குறள் 401-410 கல்லாமை

குறள் 401:.

அரங்கின்றி வட்டாடி யற்றே நிரம்பிய 

நூலின்றிக் கோட்டி கொளல்.

Tamil meaning

நிறைந்த அறிவாற்றல் இல்லாமல் அவையில் பேசுவது ஆடுவதற்கான கட்டம் போட்டுக் கொள்ளாமலே சொக்கட்டான் விளையாடுவதைப் போன்றதாகும்.

English meaning

To speak in an assembly (of the learned) without fullness of knowledge, is like playing at chess (on a board) without squares.

குறள் 402:.

கல்லாதான் சொற்கா முறுதல் முலையிரண்டும் 

இல்லாதாள் பெண்காமுற் றற்று.

Tamil meaning

கல்லாதவனின் சொல்கேட்க விரும்புவது, மார்பகம் இல்லாத பெண்மீது மையல் கொள்வதற்கு ஒப்பானது.

English meaning

The desire of the unlearned to speak (in an assembly), is like a woman without breasts desiring (the enjoyment of ) woman-hood.

குறள் 403:.

கல்லா தவரும் நனிநல்லர் கற்றார்முன் 

சொல்லா திருக்கப் பெறின்.

Tamil meaning

கற்றவர்களின் முன்னிலையில் எதுவும் பேசாமல் இருக்கக் கற்றிருந்தால் கல்வி கற்காதவர்கள்கூட நல்லவர்களாகவே கருதப்படுவார்கள்.

English meaning

The unlearned also are very excellent men, if they know how to keep silence before the learned.

குறள் 404:.

கல்லாதான் ஒட்பம் கழியநன் றாயினும் 

கொள்ளார் அறிவுடை யார்.

Tamil meaning

கல்வி கற்காதவனுக்கு இயற்கையாகவே அறிவு இருந்தாலும்கூட, அவனைக் கல்வியில் சிறந்தோன் என்று அறிவுடையோர் ஒப்புக் கொள்ள மாட்டார்கள்.

English meaning

Although the natural knowledge of an unlearned man may be very good, the wise will not accept for true knowledge.

குறள் 405:.

கல்லா ஒருவன் தகைமை தலைப்பெய்து 

சொல்லாடச் சோர்வு படும்.

Tamil meaning

கல்வியறிவில்லாதவர்கள் தங்களைப் பெரிய மேதைகளைப் போல் காட்டிக் கொள்ளும் போலி வேடம், கற்றுத் தேர்ந்த அறிஞர்களிடம் அவர்கள் உரையாடும்போது கலைந்து போய்விடும்.

English meaning

The self-conceit of an unlearned man will fade away, as soon as he speaks in an assembly (of the learned).

குறள் 406:.

உளரென்னும் மாத்திரையர் அல்லால் பயவாக் 

களரனையர் கல்லா தவர்.

Tamil meaning

கல்லாதவர்களைக் களர்நிலத்துக்கு ஒப்பிடுவதே பொருத்தமானது. காரணம் அவர்கள் வெறும் நடைப்பிணங்களாகவே கருதப்படுவார்கள்.

English meaning

The unlearned are like worthless barren land: all that can be said of them is, that they exist.

குறள் 407:.

நுண்மாண் நுழைபுலம் இல்லான் எழில்நலம் 

மண்மாண் புனைபாவை யற்று.

Tamil meaning

அழகான தோற்றம் மட்டுமே இருந்து, ஆழ்ந்து தெளிந்த அறிவில்லாமல் இருப்பவர்கள், கண்ணைக் கவரும் மண் பொம்மையைப் போன்றவர்களாகவே மதிக்கப்படுவார்கள்.

English meaning

The beauty and goodness of one who is destitute of knowledge by the study of great and exquisite works, is like (the beauty and goodness) of a painted earthen doll.

குறள் 408:.

நல்லார்கண் பட்ட வறுமையின் இன்னாதே 

கல்லார்கண் பட்ட திரு.

Tamil meaning

முட்டாள்களிடம் குவிந்துள்ள செல்வம், நல்லவர்களை வாட்டும் வறுமையைவிட அதிக துன்பத்தைத் தரும்.

English meaning

Wealth, gained by the unlearned, will give more sorrow than the poverty which may come upon the learned.

குறள் 409:.

மேற்பிறந்தா ராயினும் கல்லாதார் கீழ்ப்பிறந்தும் 

கற்றார் அனைத்திலர் பாடு.

Tamil meaning

கற்றவர் என்ற பெருமை, உயர்ந்தவர் தாழ்ந்தவர் என்ற வேறுபாட்டைப் போக்கிவிடும்.

English meaning

The unlearned, though born in a high caste, are not equal in dignity to the learned; though they may have been born in a low caste.

குறள் 410:.

விலங்கொடு மக்கள் அனையர் இலங்குநூல் 

கற்றாரோடு ஏனை யவர்.

Tamil meaning

மனிதர்களுக்கும் விலங்குகளுக்குமிடையே என்ன வேற்றுமையோ, அதே அளவு வேற்றுமை அறிவு நூல்களைப் படித்தவர்களுக்கும், அந்த நூல்களைப் படிக்காதவர்களுக்கும் இடையே உண்டு.

English meaning

As beasts by the side of men, so are other men by the side of those who are learned in celebrated works.